خواطر العام الجديد- التفاؤل

في أخر ساعة في 2015 وبداية 2016 المبشرة بالخير بسقوط المطر. ...
أنا مش هطلب من 2016 تكون أفضل، أنا اللي ناوية ومخططة إني هبقى أفضل وأسعد، هستفيد من كل لحظة في 2015 مرت عليا سواء كانت وحشة أو حلوة عشان تبقى لحظاتي الجاية دايماً أحسن. ..
وهفضل متفائلة برغم أي ظروف صعبة ممكن أمر بيها -كل محنة ما هي إلا منحة- وهفضل مؤمنة إن كل حد في الدنيا مهما كان ظاهره وحش أكيد جواه حاجة حلوة. .. هفضل شايفة الدنيا حلوة وملونة وإن أجمل لحظة لسه ما عشتهاش. ..
كل سنة وكلنا بخير وسعادة ودايما جوانا أمل وحب..
#happy_new_year_2016💜💜

اسعى يا عبد

ربنا بيدينا الحاجة اللي نفسنا فيها 
على أد مقدار سعينا ليها 
وتعبنا عشان نوصلها 
ويقيننا بإنها هتتحقق💜
#ادعوا_كتييييييير
#اعمل_اللي_عليك_للأخر
#اسعى_يا_عبد
#أنا_عندي_حلم_ومش_هسيبه
#بلاش_تواكل

أنا عندي حلم ومش هسيبه

من فترة مش بعيدة وأنا بدأت تتكون عندي فوبيا الأماكن المغلقة بسبب ظروف معينة حصلتلي وبقيت بخاف أركب الأسانسير لوحدي لغاية لما من أسبوعين روحت شغل جديد في الدور العاشر وكان عليا إني أختار ما بين خيارين إني يا أطلع كل يوم على السلم أو إني أطلع بالأسانسير، وطبعاً أنا كنت مفضلة الخيار الأول لأنه كان مريح بالنسبة لي جداً، فضلت كده كام يوم لغاية لما حسيت إني بضيع وقتي في طلوع السلم ووقتها أخدت قرار إني لازم أتحدى الخوف اللي جوايا وأهزمه وأجرب أطلع بالأسانسير وبالفعل عملت كده.... آه كنت قلقانة في الأول وحاسة إني مش قادرة أخد نفسي بس حسيت بعد كده إن دي أوهام أنا اللي كنت معيشة نفسي فيها مش أكتر.....
نفس الحكاية برده كنت دايماً نفسي أروح سانت كاترين وأطلع الجبل وأوصل للقمة بس كنت متخوفة من حكاية طلوع الجبل وخطورتها، ،، وكل ما كانت تيجي فرصة كنت بأجلها بأي حجة حتى لو كانت غير مقنعة، لغاية برده لما قررت الشهر ده إن لازم أغامر وأطلع لما جاتلي الفرصة، آه حسيت بتعب وبرد شديد وعقبات كتييييييير حصلت لي تانية بس في الأخر وصلت لقمته وعملت اللي كان نفسي فيه من زمان.....
خلاصة الموقفين دول، إحنا اللي بنبني الأوهام جوانا وبنكبرها لغاية لما بنخليها تتملكنا وبنستسلم ليها، بنخاف نحقق أحلامنا بحجة إنها صعبة ومستحيلة وظروفنا ما تسمحش بتحقيقها دلوقتي...
إحنا مش هنعيش غير مرة واحدة يبقى لازم نحقق كل أحلامنا ونوصل لأهدافنا، ونتحدى الخوف اللي جوانا وننتصر عليه،، مفيش حاجة اسمها مستحيل،،، لازم نسعى في طريق حلمنا ونتعب ونعافر عشانه وهو هيتحقق إن شاء الله😊
#المستحيل_يسكن_بعقول_العاجزين_فقط
#أنا_عندي_حلم_ومش_هسيبه

وبمرور الوقت.....

وبمرور الوقت،
ستنسى كل من باعك بيومٍ من الأيام
ستنسى من كنت بحاجةٍ إليه وتركك ودمعك على خديّك
ستنسى من خانك ولم يحفظ وعودك
ستتحرر من كل آلامك وجراحك وكل الأوهام التي حييتها وظننت يومًا أنها أحلام وردية ستتحقق بعد حين
ستتحرر حتى من هيئتك الهزيلة التي كنت عليها قبل هذه اللحظة وسترى أمامك إنسان جديد لم تعرفه من قبل
سترى إنسان قادر على أن يحيا ويحلم من جديد ويسعى في تحقيق حلمه
ستجد نفسك وقد وُلِدت من جديد... أصبحت إنسان آخر جديد.....
ستصل يومًا ما إلى ما تريد.. يومًا ما سينقشع الليل وسيحل الصباح
فالحياة لا بد أن تُعاش......
             

رسالة إلى جدتي

اشتقت إليكِ يا جدتي العزيزة
اشتقت لبيتنا القديم الذي كان يُجمعنا سويًا، لنكون حولك ومعك
اشتقت لهذه الجمَعة الحلوة التي نحرص عليها دومًا الآن لكي ننعم بحضور روحكِ معنا
أشعر بالحنين الجارف لكِ، ولضحكتكِ الصبوحة
ووجهكِ المشرق الباسم دومًا، ولدعوتكِ التي كانت لا تُرد أبدًا
وندائكِ لي بـ بي بي الذي كنت أتضايق من سماعه، وأطلب منك أن تُناديني باسمي
لكني اليوم أشتاق إلى سماعه منكِ أنتِ، بصوتكِ أنتِ
أشتاق لحضنكِ الدافئ والنوم بجواركِ
أشتاق لسماع حكاياتكِ التي كنت دومًا تصرين على إعادتها لنا
أشتاق إلى كل ركن وكل زاوية بمنزلكِ، لأنه يذكرني بكِ يا حبيبتي
يذكرني بلقاءاتنا التي كنت أتذمر منها بحجة أنها تعطلني عن اللعب مع رفاقي
ولكني اليوم أتمنى لو تعود هذه الأيام مرةً أخرى
فسأكون في غاية سعادتي لأني ذاهبة لملاقاة جدتي.

وبـداخـل كـل صـورة كـلـمـات

حـريـة

أنا فراشة طايرة فوق السحاب 
وشايلة من دماغي كل الهموم اللي مأرقاني، 

بحلق بعيييييييييييد 
وبتحرر من كل القيود اللي ملجماني..

بدي أتنفس حــريــة

صـمـت

وبداخل كل صمت، كلام......

أحيانًا يجتاح كلًا منا هذا الشعور، أن تبقى صامتًا لا تكترث لصخب الحياة من حولك...
صــمـــت... إنه ليس بشعور، إنه احتياج...
احتياج للبقاء مع نفسك، مع ذاتك لإعادة ترتيب أفكارك...

كـن سـعـيـدًا

كن أنت مصدر السعادة والبهجة لنفسك ولمن حولك
 
كن سعيدًا ومبتهجًا، تجد الكون سعيدًا ويشع بالبهجة التي تعطيها إليه.
 
لوّن حياتك بالألوان التي تحبها ومن ثم حياتك ستصبح مشرقة دومًا....

مــامــا

إلى أحن وأطيب قلب في حياتي
 
إلى ماما أجمل كلمة تفوهت بها ولن أتفوه بأجمل من سواها
 
إلى زهرة حياتي وربيعها المشرق
 
إلى السيدة التي آثرت بالكثير من أجلي
 
إليكِ يا أمي في عيدكِ أهديكِ هذه الكلمات
 
التي لا تستطع وصف عمق مشاعري

كـلام

لما تبص لوشوش الناس بتلاقي كلام 
مستخبي ورا سكوتهم
 
بس باين قوي في ملامحهم
في تعبيراتهم
 
ميفهموش غير واحد عاش حواديتهم....